في زاوية الأماسي
قاعد يرمى التماسي.
في كل قاعده راشق.
لأى واحده عاشق.
مع كل القضايا،
ناقل كل الحكايا.
ده أمنجى بالفطرة
والمرحله دي خطره
يبقى من المناسب
يكبس على المناصب.
وارد جهة سياديه،
بمنتهى الساديه
جه راكب على فرسه،
رافس مُعارضُه رفسه.
مِروج الإشاعة
يرمي بالبشاعة
اللي راح يكشفه.
فضيحة تنسفه.
قابض في كل ندوه
واكل في كل غدوه.
أمرك يا تاج راسي
على كل مكافأة راسي
وإيديه غاويه تكوش
بصوت عالي يغلوش،
وراه كتير أتباع
من غُرزة الابداع،
مشتاق في إيده عاطل،
بيروجو لباطل.
داير على المجالس،
ده سيد مين يوالس.
وإيه ح يزحزحه
راسخ في مطرحه،
جاي يوم نخلع له ضرسه
أو يعملها في نفسه
قاضيه تخلص عليه
ويبقى منه فيه
لكل شاطر غلطه،
يغطس ويروح في ورطه.
شعر صالح الغازي
نشرت القصيدة في صحيفة البداية
قاعد يرمى التماسي.
في كل قاعده راشق.
لأى واحده عاشق.
مع كل القضايا،
ناقل كل الحكايا.
ده أمنجى بالفطرة
والمرحله دي خطره
يبقى من المناسب
يكبس على المناصب.
وارد جهة سياديه،
بمنتهى الساديه
جه راكب على فرسه،
رافس مُعارضُه رفسه.
مِروج الإشاعة
يرمي بالبشاعة
اللي راح يكشفه.
فضيحة تنسفه.
قابض في كل ندوه
واكل في كل غدوه.
أمرك يا تاج راسي
على كل مكافأة راسي
وإيديه غاويه تكوش
بصوت عالي يغلوش،
وراه كتير أتباع
من غُرزة الابداع،
مشتاق في إيده عاطل،
بيروجو لباطل.
داير على المجالس،
ده سيد مين يوالس.
وإيه ح يزحزحه
راسخ في مطرحه،
جاي يوم نخلع له ضرسه
أو يعملها في نفسه
قاضيه تخلص عليه
ويبقى منه فيه
لكل شاطر غلطه،
يغطس ويروح في ورطه.
شعر صالح الغازي
نشرت القصيدة في صحيفة البداية
ليست هناك تعليقات:
إرسال تعليق