حكايات رمضان "صالح الغازي" Ramadan Tales بصوت الشاعر

حكايات رمضان

بصوت الشاعر 

https://soundcloud.com/salehelghazy/ramadan-tales

في صحيفة الأهرام : حكايات رمضان

تحويشة السنة م الكراسات

عمل المقص

من الورق حركات

قرطاس نشا

معجون ف حلة مية

أعمل كده ..ألزق

بالشكل ده.. تصدق!

عملت أجمل زواق!

ده جنب ده بالخيطان

شراشيب بترقص ع الحيطان

ولفة الخيط

عرفت التنطيط

دايرة من المنشر للمنشر

نفحات رمضان ما تتقدر!

بعد التعاون تراحم

والناس بتتزاحم لفعل الخير.

الشارع بقى مسقوف

قلوب ترفرف زي الطير

زي الحمام في الغيط

حاللو يا حاللو

على كل باب خلوا

فانوس كبير

العيال شايلة فانوس أصغر.

أنا قلبى كان

فانوس زمان

دلوقتى بقى

في قلب ولادي:

تحويشة العمر

من السنادي

للسنين الجاية

شمعة بتنور.

___________________________

حكايات رمضان
شعر ــ صالح الغازى
نشرت في صحيفة الأهرام
الجمعة
١٦ يونيه١٧ ٢٠

على الرابط

http://www.ahram.org.eg/News/202297/146/599319/%D8%A5%D8%A8%D8%AF%D8%A7%D8%B9/%D8%AD%D9%83%D8%A7%D9%8A%D8%A7%D8%AA-%D8%B1%D9%85%D8%B6%D8%A7%D9%86.aspx

طابع بريد تذكاري لأشعار صالح الغازي

طابع بريد تذكاري في مبادرة ادعم شعر 2017