تتنطط الكوره
بين السقف والأرضية .
أتنطط خطوه تنظيم.
خطبة الشيخ
منبر الأرابيسك
تكرار زخارف
عمله صنايعي مش حريف.
الشاشة الازاز
تتلون بخدعة اليوم.
وش المذيع مدهون كريم الأساس.
أقول أمشي
وما أمشيش.
أقف متنح بين الإزاز والشيش.
اللي ورا ضهري
أسهل من اللي قدامي
والفرق جارح
بين اللى شايف بالجملة
واللى بيحفر ع الخشب
الغلطة في العمر عاهة
وكل عاهة تلزمنا بخطاياها.
أقول لأمى تدعيلي
دعوتها تزق الحياة لقدام.
الميكروباص بيقسم الخط
ويدبلر الأجره
لكل باب أكره
وإلا نغير الكوالين.
--------------------------------
شعر صالح الغازي
قصيدة لكل باب "أُكرة"
--------------------------
نشر في صحيفة الأهرام
بتاريخ
21-5-2017
على الرابط
