أدب ونشر

الشارع الطويل لا يرضى يدخله تاكسي، وتخبط راسك في سقف الميكروباص بمعدل 100 خبطة في الثانية. أوله دكاكين بتسد الطريق وآخره ضلمه قافله الخيال. الحُفر أكتر من الناس، والناس أكتر من اللازم اسم الشارع مش لازم، ممكن على اسم أول بيت يعني مجهول. ولا ذنب للجهالة. لأ. الحقيقة المجرمة أنه باشا قد الهيبة. كان عمدة للمدينة، هو اللي عمل أول طريق دائري وأول مجلس بلدي وأول بنك وطني، خصص مكان لقلعة الصناعة، من قبل ما يقولوا "دور يا موتور" دلوقتي لو زارنا بعد ميت سنة شاف الموتور عطلان والطريق الدائري اللي على اسمه بقى مجرد شارع مضروب سكينة في بطنه وبينزف مجاري ياترى ح يبصلنا إزاي؟ ------------------------------- شعر : صالح الغازي إلى  # المحلة_الكبرى في صحيفة الأهرام المصرية  نشرت بتاريخ  13-1-2018 قصيدة صالح الغازي    نظرة نعمان الأعصر   إلى المحلة الكبرى في صحيفة الأهرام  علي الرابط http://gate.ahram.org.eg/News/1780607.aspx

قميص سوء التفاهم --------------------------------- أنا عندى قميص غاوى يبهدلنى. أول ما لبسته  فى المطار الجهاز زمر الأمن كله فتشنى وهو ميت من الضحك! لحد مالقيو دبوس مشبوك فى الكم. مايرضاش يتلبس مع أى بنطلون فاشتريت له واحد مخصوص! يلزمنى أزين جيبه الفوقانى بقلم كلاسيكى. ويحيرنى يدخل جوه أو يطلع بره! آخر موقف كان ع الهوا بأسجل فى التليفزيون. صحيح مش ذنبه إن المعد ماجاش والمذيع فاجئنى بأسئلة هلامية لكن المصور ساب وشى المنور وراح على الجيب الفوقانى، ركز على البقعة السودة اللى عملها الحبر! البقعة ما طلعتش ولا حتى بالكلور دلوقتى بألبسه فى الشتا تحت البلوفر، مابيظهرش منه غير الياقة وهو مستكين وواخدنى بالحضن. ----------------------- قصيدة صالح الغازي نشرت القصيدة صحيفة الدستور  السبت 27/يناير/2018 - http://www.dostor.org/2037466

صدرت قائمة شارحة ومفصلة لجميع اصدارات الهيئة العامة المصرية للكتاب للعام ٢٠١٧ بمناسبة معرض القاهرة الدولي للكتاب 2018 و فيها كتاب شايف يعني مش خايف انتاج الهيئة المصرية العامة للكتاب. ديوان شعر العامية للشاعر صالح الغازي شايف يعني مش خايف انتاج الهيئة المصرية العامة للكتاب. ديوان شعر العامية للشاعر صالح الغازي كتاب شايف يعني مش خايف انتاج الهيئة المصرية العامة للكتاب. ديوان شعر العامية للشاعر صالح الغازي قائمة شارحة ومفصلة لجميع اصدارات الهيئة العامة المصرية للكتاب للعام ٢٠١٧ # شايف_يعني_مش_خايف # الهيئة_العامة_للكتاب # cibf2018 cairo_book_fair#