على وقت فات أو جاي.
وشاشة اللاب
سارقه كل حواسه.
من الوقت اللي فات للجاي.
أما البيبي الصغير
إسمه إيه الننوس.
إيديه الشغوفة
تقرب هناك وتدوس
بتسابق عنيه الملهوفه
تلمس كوباية مايه على الترابيزه.
بيقرب من حافة السرير
معقول ده ح يحصل؟
الكاس والميه
والترابيزة والنونو
يقعوا على الأرض
الوقت متأخر؟
لأ.
في لحظة تاريخية
تمر كأنها باليرينه
رغم ترهلات البطن
الحنية تغلب القدر والظن.
تقرب البيبي من الحيط
وتحميه بالمخده.
تشرب الميه تتفتح الورده
في قلبها تتمد.
تلمس عقارب الساعة
فتجرى ورا بعضها .
وتتظبط ع الوقت .
وينسمع نبضها
وتشد جوزها أسير الشاشة
فيبتسم ويرقصوا سوا
والبيت كله يغني:
احنا مانقدرش
نعيش
من غير أنثى.
-----------------
شعر صالح الغازي
نشرت في مجلة الاذاعة والتليفزيون
صفحة الأُدَبَاتيِّة
اغسطس 2018
ليست هناك تعليقات:
إرسال تعليق