لعبة البالونه مع الدبوس قصيدة صالح الغازي
عايزه يعني
تخليني أغني
إنتى ليه زعلانه منى ؟
هو أنا غَلِّست حبه؟
والَّا فلِّست المحبه؟
والَّا كان قلبي إستخبى؟
والَّا طالبه حبه قسوه؟
فيه بلاد راحت في نَسوه!
وفيه بلاد عليت بفكره.
ع الكتاف مولود لبُكره
إسمُه آسر
عايزه يعنى وحش كاسر
يكرهو فيكي وفينا؟
والعيال تدعى علينا !
طب قوليلي ...أقوله إيه؟
هييييييه
كان يا ما كان
من كام وتلاتين زمان
مصر كانت
هُنَّا وهانت
والَّا أقولُه إسأل عُمر؟
طولة العمر بقمر
لما شاف
حبه لُطاف
من بركاتك يناير.
والَّا برضُه ح يبقى حاير
ح يقول لُه إيه؟
هييييه
نور إنقطع
شعب إنخدع؟
والَّا ح يقول تمردنا
والشر اللى جه ياخُدنا
أخد نفسه وراح
والَّ إيه؟
هيييييه
ورحاب يا أحلام البراح
جات تقول لي إسألها
غضبانه دى والَّا مالها؟
هى ح تفضل كده؟
من ده ل ده؟
والَّا جات كاتبه الحكايه
إنسانيه في النهايه
من أول الكابوس
ولعبة البالونه مع الدبوس
و الدنيا بقت فرحانه
م النور ما هيش دريانه.
والَّا إيه؟
هييييه
عايزه إيه؟
.............
22-6-2013
القصيدة بصوت الشاعر
على موقع soundcloud
https://soundcloud.com/salehelghazy/9tqcym4orueb
 |
| لوحة الفنان عبد الهادي الجزار |
---------------------------------
لعبة البالونه مع الدبوس
شعر :صالح الغازي
نشر في بوابة فيتو الخميس 27/يونيو/2013 www.vetogate.com/425917#.Uc1LNk3pe01
نشر في صحيفة البداية Albedaiah at: Friday, June 28, 2013
albedaiah.com/node/40662
وعلي الفيس
www.facebook.com/notes/%D8%B5%D8%…0151465163706361
تعليقات
إرسال تعليق