صالح الغازي يكتب حيوان أليف في صحيفة الأهرام
خيط دخان رفيع
أول ما يظهر في الهوا
يتبدد على طول
أنا الشاهد الوحيد
على حياتى
أهى دي الحقيقة
الحاجات المفرحة
الجرايم
الغلطات
ده قبر واللا صندوق ذكريات
إيه اللي أنا نسيته؟
وإيه اللي فاكره؟
وإيه اللى بيبان من غير ما أقصد؟
كل ما آجى أصطاد
تشبك فيا السنارة
....ح أعمل تمارين رياضيه
وآكل سلطه
وأقلل م الرز
وأشرب الشاي خفيف.
وأربى حيوان أليف
نفسي أكون كده فعلا
لكنى مش عارف
يتعب الجسم
لما يعاني العقل
هو ده ألم الموهوبين أمثالي.
------------------------------------------
قصيدة حيوان أليف
نشرت في صحيفة الأهرام المصرية
بتاريخ 26-11-2017
شعر #صالح_الغازي
#بوابة_الأهرام على الرابط
http://gate.ahram.org.eg/News/1646964.aspx
تعليقات
إرسال تعليق