أنا بأرقص لوحدى...قراءة فى ديوان كأنى قادر أحب للشاعر وليد طلعت
أنا بأرقص لوحدى...قراءة فى ديوان كأنى قادر أحب للشاعر وليد طلعت
بقلم /صالح الغازي
***************************************************************
ا نا بأرقص لوحدى
قراءة فى ديوان كأنى قادر أحب للشاعر وليد طلعت
رؤية: صالح الغازي
"دخان كتير .. واحنا وراه بنرقص ..دخان كتير ..ومداري تشبيك الايدين والصدر أتمنى لو أصحى ..ألبس قميص أبيض ..وأحب شكلى فى المرايه ..أضحك لنفسى وأقول صباح الخير"
قد ايه فيه مشاعر بصفا ووضوح وقرب ،مشاعر طفوليه مليانه بالأمل رغم القيود ورغم اختلاف الملفين الأولانيين عن الاخيرين لكن بيميز الجزء الاول من الديوان احلامه المتوهجه والرومانسيه والتشكيلات المبتكره الخاصة فى قصايد ولد وبنت وتخليق وانفخ بروحك وضلين وبحر وصورهم اللى تعلق فى الذاكره زي " أنا زي حتة طوبه مرميه "وغيرها.
و فى محاولتى ملاحظة سمات الملفين الاخرين للديوان لقيت ان له سمات شعريه خاصة متفرده ومختلفه فى اعتماده على تفاصيل حالات ( الوحده/ الكسوف / التمنى ..)وهواستعملها كادوات تساوي اللفظ فى القصيدة ورغم قلة الحالات اللى استعملها واللى استعملها احيانا بالحاح /تكرار لكنها ظهرت بشكل مؤثروقدر يكسب بها انتباه القارئ.
∆∆∆∆∆∆∆
1-الكسوف م الذكريات والبنات :
ف قصيدة( نفس الدوخة )" نفس الدوخه والقلق الجوانى قوي ..بالظبط كأنى رايح اول يوم الكليه ...حاسس ان الناس هتتفرج عليا" و الكسوف ومش مجرد رد فعل عابر انما رد فعل بيتطور لحاله اساسيه.
ص73 " قررت أقرب شاكك خالص انى أقدر " التردد والشك فى القدره ..وقصيدة (بشكل مناسب )نفاصيل تانيه للكسوف.وعن عدم الرضا عن النفس وعدم الثقة " تحاول تبلع صوتك اللى الناس بيسمعوه بشكل مختلف لدرجة انك ما بتصدقش .فانهزام الصوت وتراجعه فيها رؤيه مختلفه لرصد مدي ضيقه من اختلاف الصوت من تخيل صاحبه للمسموع فعلا . وفى نفس القصيدة رد الفعل لبصه من فوق لتحت يكون الكسوف " مشكله كبيره وهيا بتبصلك من فوق لتحت وانت مشلول فى جسمك ومش عارف تهدى رعشتك" وبطريقة تعرية الذات والمواجهه بيرصد قدام بطله اعراض واضحة للكسزف وهي الششلل والرعشة !وعن تبرير الاخطاء والتصادمات هو الكسوف سبب للمشكلات ."وانت ماشى تبص بنص عين على واجهة محل ازاز مستنى يكون شكلك مناسب وكل مره تتصدم" .
وبنفى الحالات المسببه للكسوف ممكن نستشف انه من البنات..فى قصيدة( كأنى قادر احب)
"مكسوف م البنات المرصوصين ع السور /رغم ان الجزمه مش بتلق فى رجلى /والشراب لابسه من على الحبل "
والمكسوف مستغرب ان كل حاجه تمام الجزمه ما بتلقش والشراب نضيف ..يعنى هو مستغرب م الكسوف والفرحة اللى تقدر تنهى على الكسوف ظاهرة فى قصيدة لها
" فرحه واحده بتكنس من قدام البيت طابور طويل ../ومش مترتب من مشاكل الدنيا المخجله../فرحه واحده تغير حاجات كتير"
والكسوف نلاقى له سبب تانى هو مشاكل الدنيا ..والامل هو فى التغيير او حلمه هو فرحه ..بمعنى انه مايكونش كأنه بيحب يكون بيحب فعلا ويبقى الحب حقيقه مش رغبه. الفرحه دى هى الكائن الخرافى الوحيد اللطيف اللي بيخليه يبص لفوق ويبتسم ويخرج من كسوفه. وعلى عكس قصيدة لها نلاقى قصيدة (لوحده )فيها القهر زي دخول كليه مش بتاعته ونظرات الاخرين وبيكون ردفعله النهاى "يبص للارض" كسوف بلا أمل .ورد فعله بس الكسوف الشديد فى قصيدة الهروب من الشارع " أنا زي طفل وحيد عاملها على نفسه ..ماشى ميت م السقعه "
فى قصيدة( كأنى قادر احب) " وحيد وعرقان ومكسوف م البنات المرصوصين ع السور" وفى نفس القصيدة " الشارع مش عايز يخلص طول ماهم قاعدين" وكأن الاخرين سبب النكسة ودى رؤيه وجوديه صعبة.وبتظهر علاقه مهمه بين الوحده والكسوف عند استرجاع الذكريات فى اماكن بقى غريب عنها حاليا.فالكسوف استعمله الشاعر وكان سببه اما وجود الانثى او الذكريات وأعلى درجات الحاله اللى بيصر عليها لما بيوصل الكسوف لدرجة الوحده.
2- الوحده
فى قصيدة( الهروب م الشارع )" انا زي طفل وحيد" فى القصيده دى تمثيل مثالى للعزله التامه بالوحده والكسوف.
قصيدة (عرايس) مستوي تانى من الوحده .وهوانهم اصدقاء مع بعض دايما مكشوفين لبعض لكن كل واحد منهم له خصوصيات والخصوصيات دى هى علاقة الاخر بالانثى على انها مستوي من الوحده ."رغم اننا بننام عريانين جنب بعض ...تلفون يرن ...باب يتقفل ...ويسك على كلامه ويا حبيبته ..." وفى نهاية القصيده عباره مهمه جدا " للرجال فقط" وده مستوي من مستويات الوحده .فى المخيله الذكوريه لعدم وجود الانثى/ الحبيبه .
ص45 فى قصيدة دخان كتير بيطلب من عيال الرب انهم يحبوه عشان ما يحسش بالوحده" حبونى قوي علشان ما شعرش بصدري يفضى عليا " فالشاعر مأزوم بوحشة الوحده.ص22 فى قصيدة( بنوته) كرد فعل للقهر اللى نتيجة لمعرفة بنت على أده وظهور بنت أعلى منها كمؤشر للطبقيه الاجتماعيه انه بيغرق فى التفسير " وانا غرقان / وبافسر سر الوحده وسر الحزن" فالوحده اهم ملامح الديوان وموضوعه الاساسى كجزء من حالة اغتراب بيرصدها الشاعربنتهى الدقة .
3- الاحلام كوابيس
الحلم هو الامنيه اللى دايما بتبقى كابوس .فى قصيدة (الهروب م الشارع) " الحاجات بتحصل فى الحلم عشان تزنقنا فى الشوارع واحنا صاحيين"والحلم هما بيحسسنا بأزمتنا أكتر من انه بيخفف عنا وكأن حتى الحلم نفسه جزء من واقع المأساه الانسانية لحالة العجز.
وفى قصيدة زي نايم بيفسر الاحلام بشكل يقلل من وطأتها "المشكله انك تبقى مطارد بشوية صور بنى ادمين كائنات غريبه عملها دماغك" وقصيدة الهروب م الشارع الحلم /الامنيه المستحيله رد فعل للخجل والكسوف"كنت باحلم انى باضم كل قرايبى البنات ضمه اخويه" .ومن المشاهدالكابوسية للناس كما يراها فى قصيدة( الهروب م الشارع) " الوشوش بتفتح بقها وتقفله تاخد نفس وتطلعه ..الخ". وبيكما مشوار الحلم/التمنى والعجز فى قصيدة (الخوف تراب أولانى )" رانيا بتطلعلى فى الحلم فيتهز السرير من غير ما أعرف" فيبقى الحلم او الحل الاساسى هو الانثى .
4-المقاسات والوسع
من قصيدة (بشكل مناسب) " الهدوم بتكبر مقاساتها " "فورا بتطلب مقاسات مختلفه" اتفجرت ثورة المقاسات لارتباط الحضور للفرح بوجود بدله فالظروف غير مهيأة عن الاحتياج ف بيقول " تبتسم لاخت صاحبك معناها لسه بدري " و قصيدة (سوء تفاهم ) من اجمل قصايد الديوان .ملاعبه لطيفه ورايقه بمنطقه الخاص ( صور الاشعه ) كدليل مادي على وجودهم " اخيرا اقتنع اصدقائى انى واسع فعلا وفهموا كويس ازاي قادر اشيلهم فى قلبى فى وقت واحد" فرغم كل المأساه التى تظهر فهو يقدم انسان ودود له صداقات مش منطوي . وص45 حتى انا بقلبى العملاق مش ح اقدر استحمل كل ده " فى قصيدة ( عرايس) " محتاج قوي لضمة توسعنى " عن مشاغبة العرايس له وتركهم له قدام مشاغلهم. وفى قصيدة (عايز أنام) بيقول بعد شوية تهديدات وتحدى فيهم غرابه بيهجر النوم وبيقرر يشرب علبة سجاير كامله كنوع من الرفض والاعتراض وبيتغير الوسع عشان يبقى حاجه مخيفه " انا واسع زي مغاره ضلمه غميق بس سهل اتقاد بشمعه "
فالوسع سواء كان سعة الصدر للاخر والاحتواء لاصحابه او احتياجه للحب او شعوره انه مخيف فهو دال مهم و متفاوت فى الديوان .
∆∆∆∆∆∆∆
بياخدنا الشاعر برؤيه اساسها الوحده والكسوف وسقفها الحلم والوسع عشان يرصد القهر وازمة وجوديه لانسان بينشد الحياه فى سلام بعيد عن الحاجات الجسميه والمشاكل الاجتماعيه والذكريا المقلقه اللى مالوش ذنب فيها .
الديوان كله بينشد الحب والاكتمال ،ديوان كأنى قادر أحب الديوان الاول للشاعر وليد طلعت صدر فى طبعه خاصه برسمةمميزه على الغلاف للفنان احمد الجناينى..
*********************************************************************
تحياتى للشاعر وتمنياتى بالتوفيق.
المحلة الكبري -مارس 1998
بقلم /صالح الغازي
***************************************************************
ا نا بأرقص لوحدى
قراءة فى ديوان كأنى قادر أحب للشاعر وليد طلعت
رؤية: صالح الغازي
"دخان كتير .. واحنا وراه بنرقص ..دخان كتير ..ومداري تشبيك الايدين والصدر أتمنى لو أصحى ..ألبس قميص أبيض ..وأحب شكلى فى المرايه ..أضحك لنفسى وأقول صباح الخير"
قد ايه فيه مشاعر بصفا ووضوح وقرب ،مشاعر طفوليه مليانه بالأمل رغم القيود ورغم اختلاف الملفين الأولانيين عن الاخيرين لكن بيميز الجزء الاول من الديوان احلامه المتوهجه والرومانسيه والتشكيلات المبتكره الخاصة فى قصايد ولد وبنت وتخليق وانفخ بروحك وضلين وبحر وصورهم اللى تعلق فى الذاكره زي " أنا زي حتة طوبه مرميه "وغيرها.
و فى محاولتى ملاحظة سمات الملفين الاخرين للديوان لقيت ان له سمات شعريه خاصة متفرده ومختلفه فى اعتماده على تفاصيل حالات ( الوحده/ الكسوف / التمنى ..)وهواستعملها كادوات تساوي اللفظ فى القصيدة ورغم قلة الحالات اللى استعملها واللى استعملها احيانا بالحاح /تكرار لكنها ظهرت بشكل مؤثروقدر يكسب بها انتباه القارئ.
∆∆∆∆∆∆∆
1-الكسوف م الذكريات والبنات :
ف قصيدة( نفس الدوخة )" نفس الدوخه والقلق الجوانى قوي ..بالظبط كأنى رايح اول يوم الكليه ...حاسس ان الناس هتتفرج عليا" و الكسوف ومش مجرد رد فعل عابر انما رد فعل بيتطور لحاله اساسيه.
ص73 " قررت أقرب شاكك خالص انى أقدر " التردد والشك فى القدره ..وقصيدة (بشكل مناسب )نفاصيل تانيه للكسوف.وعن عدم الرضا عن النفس وعدم الثقة " تحاول تبلع صوتك اللى الناس بيسمعوه بشكل مختلف لدرجة انك ما بتصدقش .فانهزام الصوت وتراجعه فيها رؤيه مختلفه لرصد مدي ضيقه من اختلاف الصوت من تخيل صاحبه للمسموع فعلا . وفى نفس القصيدة رد الفعل لبصه من فوق لتحت يكون الكسوف " مشكله كبيره وهيا بتبصلك من فوق لتحت وانت مشلول فى جسمك ومش عارف تهدى رعشتك" وبطريقة تعرية الذات والمواجهه بيرصد قدام بطله اعراض واضحة للكسزف وهي الششلل والرعشة !وعن تبرير الاخطاء والتصادمات هو الكسوف سبب للمشكلات ."وانت ماشى تبص بنص عين على واجهة محل ازاز مستنى يكون شكلك مناسب وكل مره تتصدم" .
وبنفى الحالات المسببه للكسوف ممكن نستشف انه من البنات..فى قصيدة( كأنى قادر احب)
"مكسوف م البنات المرصوصين ع السور /رغم ان الجزمه مش بتلق فى رجلى /والشراب لابسه من على الحبل "
والمكسوف مستغرب ان كل حاجه تمام الجزمه ما بتلقش والشراب نضيف ..يعنى هو مستغرب م الكسوف والفرحة اللى تقدر تنهى على الكسوف ظاهرة فى قصيدة لها
" فرحه واحده بتكنس من قدام البيت طابور طويل ../ومش مترتب من مشاكل الدنيا المخجله../فرحه واحده تغير حاجات كتير"
والكسوف نلاقى له سبب تانى هو مشاكل الدنيا ..والامل هو فى التغيير او حلمه هو فرحه ..بمعنى انه مايكونش كأنه بيحب يكون بيحب فعلا ويبقى الحب حقيقه مش رغبه. الفرحه دى هى الكائن الخرافى الوحيد اللطيف اللي بيخليه يبص لفوق ويبتسم ويخرج من كسوفه. وعلى عكس قصيدة لها نلاقى قصيدة (لوحده )فيها القهر زي دخول كليه مش بتاعته ونظرات الاخرين وبيكون ردفعله النهاى "يبص للارض" كسوف بلا أمل .ورد فعله بس الكسوف الشديد فى قصيدة الهروب من الشارع " أنا زي طفل وحيد عاملها على نفسه ..ماشى ميت م السقعه "
فى قصيدة( كأنى قادر احب) " وحيد وعرقان ومكسوف م البنات المرصوصين ع السور" وفى نفس القصيدة " الشارع مش عايز يخلص طول ماهم قاعدين" وكأن الاخرين سبب النكسة ودى رؤيه وجوديه صعبة.وبتظهر علاقه مهمه بين الوحده والكسوف عند استرجاع الذكريات فى اماكن بقى غريب عنها حاليا.فالكسوف استعمله الشاعر وكان سببه اما وجود الانثى او الذكريات وأعلى درجات الحاله اللى بيصر عليها لما بيوصل الكسوف لدرجة الوحده.
2- الوحده
فى قصيدة( الهروب م الشارع )" انا زي طفل وحيد" فى القصيده دى تمثيل مثالى للعزله التامه بالوحده والكسوف.
قصيدة (عرايس) مستوي تانى من الوحده .وهوانهم اصدقاء مع بعض دايما مكشوفين لبعض لكن كل واحد منهم له خصوصيات والخصوصيات دى هى علاقة الاخر بالانثى على انها مستوي من الوحده ."رغم اننا بننام عريانين جنب بعض ...تلفون يرن ...باب يتقفل ...ويسك على كلامه ويا حبيبته ..." وفى نهاية القصيده عباره مهمه جدا " للرجال فقط" وده مستوي من مستويات الوحده .فى المخيله الذكوريه لعدم وجود الانثى/ الحبيبه .
ص45 فى قصيدة دخان كتير بيطلب من عيال الرب انهم يحبوه عشان ما يحسش بالوحده" حبونى قوي علشان ما شعرش بصدري يفضى عليا " فالشاعر مأزوم بوحشة الوحده.ص22 فى قصيدة( بنوته) كرد فعل للقهر اللى نتيجة لمعرفة بنت على أده وظهور بنت أعلى منها كمؤشر للطبقيه الاجتماعيه انه بيغرق فى التفسير " وانا غرقان / وبافسر سر الوحده وسر الحزن" فالوحده اهم ملامح الديوان وموضوعه الاساسى كجزء من حالة اغتراب بيرصدها الشاعربنتهى الدقة .
3- الاحلام كوابيس
الحلم هو الامنيه اللى دايما بتبقى كابوس .فى قصيدة (الهروب م الشارع) " الحاجات بتحصل فى الحلم عشان تزنقنا فى الشوارع واحنا صاحيين"والحلم هما بيحسسنا بأزمتنا أكتر من انه بيخفف عنا وكأن حتى الحلم نفسه جزء من واقع المأساه الانسانية لحالة العجز.
وفى قصيدة زي نايم بيفسر الاحلام بشكل يقلل من وطأتها "المشكله انك تبقى مطارد بشوية صور بنى ادمين كائنات غريبه عملها دماغك" وقصيدة الهروب م الشارع الحلم /الامنيه المستحيله رد فعل للخجل والكسوف"كنت باحلم انى باضم كل قرايبى البنات ضمه اخويه" .ومن المشاهدالكابوسية للناس كما يراها فى قصيدة( الهروب م الشارع) " الوشوش بتفتح بقها وتقفله تاخد نفس وتطلعه ..الخ". وبيكما مشوار الحلم/التمنى والعجز فى قصيدة (الخوف تراب أولانى )" رانيا بتطلعلى فى الحلم فيتهز السرير من غير ما أعرف" فيبقى الحلم او الحل الاساسى هو الانثى .
4-المقاسات والوسع
من قصيدة (بشكل مناسب) " الهدوم بتكبر مقاساتها " "فورا بتطلب مقاسات مختلفه" اتفجرت ثورة المقاسات لارتباط الحضور للفرح بوجود بدله فالظروف غير مهيأة عن الاحتياج ف بيقول " تبتسم لاخت صاحبك معناها لسه بدري " و قصيدة (سوء تفاهم ) من اجمل قصايد الديوان .ملاعبه لطيفه ورايقه بمنطقه الخاص ( صور الاشعه ) كدليل مادي على وجودهم " اخيرا اقتنع اصدقائى انى واسع فعلا وفهموا كويس ازاي قادر اشيلهم فى قلبى فى وقت واحد" فرغم كل المأساه التى تظهر فهو يقدم انسان ودود له صداقات مش منطوي . وص45 حتى انا بقلبى العملاق مش ح اقدر استحمل كل ده " فى قصيدة ( عرايس) " محتاج قوي لضمة توسعنى " عن مشاغبة العرايس له وتركهم له قدام مشاغلهم. وفى قصيدة (عايز أنام) بيقول بعد شوية تهديدات وتحدى فيهم غرابه بيهجر النوم وبيقرر يشرب علبة سجاير كامله كنوع من الرفض والاعتراض وبيتغير الوسع عشان يبقى حاجه مخيفه " انا واسع زي مغاره ضلمه غميق بس سهل اتقاد بشمعه "
فالوسع سواء كان سعة الصدر للاخر والاحتواء لاصحابه او احتياجه للحب او شعوره انه مخيف فهو دال مهم و متفاوت فى الديوان .
∆∆∆∆∆∆∆
بياخدنا الشاعر برؤيه اساسها الوحده والكسوف وسقفها الحلم والوسع عشان يرصد القهر وازمة وجوديه لانسان بينشد الحياه فى سلام بعيد عن الحاجات الجسميه والمشاكل الاجتماعيه والذكريا المقلقه اللى مالوش ذنب فيها .
الديوان كله بينشد الحب والاكتمال ،ديوان كأنى قادر أحب الديوان الاول للشاعر وليد طلعت صدر فى طبعه خاصه برسمةمميزه على الغلاف للفنان احمد الجناينى..
*********************************************************************
تحياتى للشاعر وتمنياتى بالتوفيق.
المحلة الكبري -مارس 1998
تعليقات
إرسال تعليق