بدلة مادورو
****
أنا عندي بدله شتويه
تشبه بدلة مادورو
برضُه لونها رمادية
أنام دفيان
كأنها بطانية
وقت التمارين الرياضية.
تنفعني جدًا
لما أغسلها أبقى حيران.
ألبس كل هدومي
لكن برضو بردان.
محتاج أشترى بدلة كمان
دورت و لفيت
نفسها مالقيت!
سعرها في السما
أنا أصلي كنت شاريها
قبل ما يظهر مادورو بيها!
**
في أول يناير
في مدينة كاراكاس
بعد ليلة ظلام و برد
صحيو الناس
أبناء وبنات بوليفارد
لقيو الشنب الأسطورة
ع الشاشات
من غير حنجرته الحنجورة
لابس بدلة رمادية!
أتصور
إن كل واحد فكَّر
إنه زودها من الدخان
اشتغالات مساطيل عاديه
ببساطة أو ممكن خرمان
بتحصل دايما
في ربوع كراكاس
ولأي واحد من الناس.
في الليالي الشتويه.
**
انا شوفت مادورو
في لعبة فيديو
كأنه سوبرمان
و برقصه لطيفه
يغيظ الأمريكان
و يقول
عن العقوبات
البترول
التحديات
الصعوبات
يا شعب يا بطل.
نوحد المسافات
وننسى اللي حصل
ولا إدانه ولا عدالة
ولا كل واحد يستني دورو
السلاح السري لعبة نداله
الوداع يا مادورو.
الوداع يا مرات مادورو.
كل اللي هاممني
نسخ كتير مجانية
أو بالأسعار العادية
من غير رسوم جمركية
بس من بدلة مادورو.
--------------------------
بدلة مادورو شعر: صالح الغازي
نشرت في صحيفة "أخبار الأدب" عدد 15 مارس2026.
#شعر_بالعامية
#شعر_مصري
#صالح_الغازي
#أخبار_الأدب
